kuch khaas...

ab mausam itna zyada shayarana (poetic..!!) ho raha tha toh mujhe laga main bhi saaz ched hi dun..!! mera ek chottu sa namoona..(ekdum mere jaisa..!!)..!!

well its a dedication..to many ppl!!..kis kisko..padh ke samajh aa jaega..!!

here it is..

ek ajeeb khayal, jo dil mein sama gaya
ek ajeeb khayal, jo zindagi banke aa gaya

rishte khoon ki zanjeer nahin,
wo dhaage jinke liye dil mein hai jagah kahin.
apne wo hain jinhe humne har pal pukara,
na ki sirf wo jinke saath bachpan guzara.
yaar wahi jiske liye dil se yahi dua nikle
har kaam mein tujhe tera rab hi mile.
tere liye jab do shabd main bolun,
khushiyon ki nayi tarang mehsus karun;
sirf saath rehne ka ehsaas nahi,
par duriyon mein chupa pyaar bhi.

ye pyaar ki wo kadiyan hai,
jo dil se kabhi nahi tootti.
din aaye, din gaye,
lamhe beette gaye;
hum saath hase, roye bhi,
kal kuch the, shayad aaj nahin.
aaj kehne ko shabd kam hain,
par wo ehsaas abhi bhi hai-
kuch anokhapan hai jisme;
jo kabhi bachpan leke aata hai
aur dher saari yaadein de jaata hai,
par phir jab aaj dikhta hai
to yaad aata hai
beete lamhein phir nahin lautke aate.

chahe ho tum mera ateet
ya mere aaj ka sahara,
jab bhi yaad teri aayegi
dil se duaa yahi niklegi-
khushiyan saare sansaar ki,
sajawat bane teri zindagi ki.

aisa aaya ye ajeeb khayal-
apna kal yaad kara gya,
dil ko chhuke chala gya,
zindagi badalta chala gya.
*********************************

namoona kaisa laga..batana zaroor..

and thanks to the people..who have changed the stream of my thoughts..given me newer dimensions..newer viewpoints..n newer meanings to life..seems like i m starting afresh..ye post isi ka nateeja hai..!!

P.S.: got the best compliment ever...that i smile a lot...!! thank u... :)